ਜ਼ਿਲੇ ਦੇ 166 ਵਾਰਡਾਂ ‘ਚ ਲੋਕਲ ਬਾਡੀਜ਼ ਦੀ ਚੋਣ ਲੜ ਰਹੇ 695 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਕਰਨ ਲਈ ਮੰਗਲਵਾਰ ਨੂੰ ਕੁੱਲ 4,80,781 ਵੋਟਰ ਆਪਣੀ ਵੋਟ ਦਾ ਇਸਤੇਮਾਲ ਕਰਨਗੇ।ਜ਼ਿਲੇ ਭਰ ‘ਚ ਸਥਾਪਿਤ ਸਾਰੇ 498 ਪੋਲਿੰਗ ਬੂਥਾਂ ਲਈ ਪੋਲਿੰਗ ਪਾਰਟੀਆਂ ਰਵਾਨਾ ਕਰ ਦਿੱਤੀਆਂ ਗਈਆਂ ਹਨ। ਵੋਟਿੰਗ ਸਵੇਰੇ 8 ਵਜੇ ਸ਼ੁਰੂ ਹੋ ਕੇ ਸ਼ਾਮ 5 ਵਜੇ ਤੱਕ ਚੱਲੇਗੀ।ਜ਼ਿਲੇ ਵਿਚ ਕੁੱਲ ਵੋਟਰਾਂ ਦੀ ਗਿਣਤੀ 2,48,415 ਮਰਦ, 2,32,340 ਮਹਿਲਾ ਵੋਟਰ ਅਤੇ 26 ਹੋਰ ਵੋਟਰ ਹਨ। ਨਗਰ ਨਿਗਮ ਮੁਹਾਲੀ ਦੇ 50 ਵਾਰਡਾਂ ਤੋਂ 227 ਉਮੀਦਵਾਰ ਚੋਣ ਲੜ ਰਹੇ ਹਨ। 184 ਪੋਲਿੰਗ ਬੂਥਾਂ ‘ਤੇ ਕੁੱਲ 90,505 ਪੁਰਸ਼ ਵੋਟਰ, 84,844 ਮਹਿਲਾ ਵੋਟਰ ਅਤੇ 8 ਹੋਰ ਵੋਟਰ ਆਪਣੀ ਵੋਟ ਪਾਉਣਗੇ।ਨਗਰ ਕੌਂਸਲ ਜ਼ੀਰਕਪੁਰ ਦੇ 31 ਵਾਰਡਾਂ ਤੋਂ 124 ਉਮੀਦਵਾਰ ਚੋਣ ਮੈਦਾਨ ਵਿੱਚ ਹਨ। 128 ਪੋਲਿੰਗ ਬੂਥਾਂ ‘ਤੇ ਕੁੱਲ 70,226 ਪੁਰਸ਼ ਵੋਟਰ, 66,191 ਮਹਿਲਾ ਵੋਟਰ ਅਤੇ 8 ਹੋਰ ਵੋਟਰ ਆਪਣੀ ਵੋਟ ਦਾ ਇਸਤੇਮਾਲ ਕਰਨਗੇ।ਨਗਰ ਕੌਂਸਲ ਡੇਰਾਬਸੀ ਦੇ 18 ਵਾਰਡਾਂ ਤੋਂ 79 ਉਮੀਦਵਾਰ ਚੋਣ ਲੜ ਰਹੇ ਹਨ, ਜਦਕਿ ਇਕ ਉਮੀਦਵਾਰ ਪਹਿਲਾਂ ਹੀ ਨਿਰਵਿਰੋਧ ਚੁਣਿਆ ਗਿਆ ਹੈ। ਕੁੱਲ 26,888 ਮਰਦ ਵੋਟਰ, 24,564 ਮਹਿਲਾ ਵੋਟਰ ਅਤੇ 5 ਹੋਰ ਵੋਟਰ 51 ਪੋਲਿੰਗ ਬੂਥਾਂ ‘ਤੇ ਆਪਣੀ ਵੋਟ ਪਾਉਣਗੇ।ਨਗਰ ਕੌਂਸਲ ਨਯਾਗਾਂਵ ਦੇ 21 ਵਾਰਡਾਂ ਤੋਂ 87 ਉਮੀਦਵਾਰ ਚੋਣ ਲੜ ਰਹੇ ਹਨ, ਜਿੱਥੇ 23,717 ਪੁਰਸ਼ ਵੋਟਰ, 21,266 ਮਹਿਲਾ ਵੋਟਰ ਅਤੇ 5 ਹੋਰ ਵੋਟਰ ਆਪਣੇ ਵੋਟ ਦੇ ਅਧਿਕਾਰ ਦੀ ਵਰਤੋਂ ਕਰਨਗੇ। ਨਗਰ ਕੌਂਸਲ ਲਾਲੜੂ ਵਿੱਚ 16 ਵਾਰਡਾਂ ਤੋਂ 61 ਉਮੀਦਵਾਰ ਚੋਣ ਲੜ ਰਹੇ ਹਨ ਜਦਕਿ ਇੱਕ ਉਮੀਦਵਾਰ ਪਹਿਲਾਂ ਹੀ ਬਿਨਾਂ ਮੁਕਾਬਲਾ ਚੁਣਿਆ ਗਿਆ ਹੈ। 33 ਪੋਲਿੰਗ ਬੂਥਾਂ ‘ਤੇ ਕੁੱਲ 16,031 ਪੁਰਸ਼ ਵੋਟਰ, 14,360 ਮਹਿਲਾ ਵੋਟਰ ਅਤੇ 3 ਹੋਰ ਵੋਟਰ ਆਪਣੀ ਵੋਟ ਪਾਉਣਗੇ।ਨਗਰ ਕੌਂਸਲ ਕੁਰਾਲੀ ਦੇ 17 ਵਾਰਡਾਂ ਤੋਂ 77 ਉਮੀਦਵਾਰ ਚੋਣ ਲੜ ਰਹੇ ਹਨ। 33 ਪੋਲਿੰਗ ਬੂਥਾਂ ‘ਤੇ ਕੁੱਲ 13,332 ਪੁਰਸ਼ ਵੋਟਰ ਅਤੇ 14,070 ਮਹਿਲਾ ਵੋਟਰ ਆਪਣੀ ਵੋਟ ਦਾ ਇਸਤੇਮਾਲ ਕਰਨਗੇ।ਇਸੇ ਤਰ੍ਹਾਂ ਨਗਰ ਕੌਂਸਲ ਬਨੂੜ ਦੇ 13 ਵਾਰਡਾਂ ਤੋਂ 40 ਉਮੀਦਵਾਰ ਚੋਣ ਲੜ ਰਹੇ ਹਨ, ਜਿੱਥੇ 7,716 ਪੁਰਸ਼ ਵੋਟਰ, 7,045 ਮਹਿਲਾ ਵੋਟਰ ਅਤੇ ਇੱਕ ਹੋਰ ਵੋਟਰ ਆਪਣੀ ਵੋਟਿੰਗ ਬੂਥ ਪੋਲਿੰਗ ਬੂਥਾਂ ‘ਤੇ ਪੋਲਿੰਗ 1 ਟੀਵੀ ਦੀ ਨਿਗਰਾਨੀ ਕਰਨਗੇ। ਰਾਜ ਚੋਣ ਕਮਿਸ਼ਨ, ਪੰਜਾਬ ਦੀਆਂ ਹਦਾਇਤਾਂ ਅਨੁਸਾਰ ਸਾਰੇ ਪੋਲਿੰਗ ਬੂਥਾਂ ‘ਤੇ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ। ਕੁੱਲ 498 ਪੋਲਿੰਗ ਬੂਥਾਂ ਵਿੱਚੋਂ 66 ਪੋਲਿੰਗ ਸਥਾਨਾਂ ਨੂੰ ਸੰਵੇਦਨਸ਼ੀਲ ਅਤੇ 181 ਨੂੰ ਅਤਿ ਸੰਵੇਦਨਸ਼ੀਲ ਵਜੋਂ ਪਛਾਣਿਆ ਗਿਆ ਹੈ, ਜਿੱਥੇ ਸੁਰੱਖਿਆ ਕਰਮਚਾਰੀਆਂ ਦੀ ਵਾਧੂ ਤਾਇਨਾਤੀ ਨੂੰ ਯਕੀਨੀ ਬਣਾਇਆ ਗਿਆ ਹੈ।