Toll Tax Reduction : ਨੈਸ਼ਨਲ ਹਾਈਵੇਅ ਟੋਲ ’ਚ ਭਾਰੀ ਕਟੌਤੀ, ਹੁਣ ਯਾਤਰਾ ਕਿੰਨੀ ਹੋਵੇਗੀ ਸਸਤੀ ? ਇੱਥੇ ਪੜ੍ਹੋ

Toll Tax Reduction :  ਜੇਕਰ ਤੁਸੀਂ ਰੋਜ਼ਾਨਾ ਸੜਕੀ ਯਾਤਰਾਵਾਂ ਜਾਂ ਰਾਸ਼ਟਰੀ ਰਾਜਮਾਰਗਾਂ 'ਤੇ ਯਾਤਰਾ ਕਰਨ ਦੇ ਸ਼ੌਕੀਨ ਹੋ, ਤਾਂ ਇਹ ਖ਼ਬਰ ਤੁਹਾਨੂੰ ਰਾਹਤ ਦੇ ਸਕਦੀ ਹੈ। ਸਰਕਾਰ ਨੇ ਰਾਸ਼ਟਰੀ ਰਾਜਮਾਰਗਾਂ 'ਤੇ ਟੋਲ ਟੈਕਸ ਵਿੱਚ 50 ਫੀਸਦ ਦੀ ਵੱਡੀ ਕਟੌਤੀ ਕੀਤੀ ਹੈ। ਇਹ ਕਟੌਤੀ ਖਾਸ ਕਰਕੇ ਉਨ੍ਹਾਂ ਰਾਜਮਾਰਗਾਂ 'ਤੇ ਕੀਤੀ ਗਈ ਹੈ ਜਿੱਥੇ ਫਲਾਈਓਵਰ, ਪੁਲ, ਸੁਰੰਗਾਂ ਅਤੇ ਐਲੀਵੇਟਿਡ ਸਟ੍ਰੈਚ ਬਣਾਏ ਗਏ ਹਨ। ਇਸਦਾ ਮਤਲਬ ਹੈ ਕਿ ਹੁਣ ਤੁਹਾਡੀ ਯਾਤਰਾ ਦੀ ਲਾਗਤ ਘੱਟ ਜਾਵੇਗੀ। ਟੋਲ ਟੈਕਸ ਦਾ ਨਵਾਂ ਨਿਯਮ ਲਾਗੂ ਹੋ ਗਿਆ ਹੈ। ਯਾਤਰੀਆਂ ਨੂੰ ਜਲਦੀ ਹੀ ਇਸਦਾ ਲਾਭ ਮਿਲਣਾ ਸ਼ੁਰੂ ਹੋ ਜਾਵੇਗਾ।

ਹੁਣ ਤੱਕ ਕਿੰਨਾ ਵਸੂਲਿਆ ਜਾਂਦਾ ਸੀ ਟੋਲ ?

ਨੈਸ਼ਨਲ ਹਾਈਵੇ ਅਥਾਰਟੀ ਆਫ਼ ਇੰਡੀਆ ਦੇ ਇੱਕ ਅਧਿਕਾਰੀ ਦੇ ਅਨੁਸਾਰ ਪੁਰਾਣੇ ਨਿਯਮਾਂ ਦੇ ਕਾਰਨ ਹਾਈਵੇਅ 'ਤੇ ਹਰ ਕਿਲੋਮੀਟਰ 'ਤੇ ਕੁਝ ਖਾਸ ਬੁਨਿਆਦੀ ਢਾਂਚਾ ਬਣਾਇਆ ਗਿਆ ਹੈ, ਜਿਸ ਲਈ ਤੁਹਾਨੂੰ ਔਸਤ ਟੋਲ ਚਾਰਜ ਦਾ 10 ਗੁਣਾ ਭੁਗਤਾਨ ਕਰਨਾ ਪੈਂਦਾ ਸੀ, ਤਾਂ ਜੋ ਉਸ ਬੁਨਿਆਦੀ ਢਾਂਚੇ ਦੀ ਲਾਗਤ ਵਸੂਲੀ ਜਾ ਸਕੇ। ਪਰ ਹੁਣ ਨਵੇਂ ਨਿਯਮਾਂ ਵਿੱਚ, ਇਹ ਟੋਲ 50 ਫੀਸਦ ਘਟਾ ਦਿੱਤਾ ਜਾਵੇਗਾ।

ਕੀ ਹੈ ਟੋਲ ਘਟਾਉਣ ਦਾ ਨਵਾਂ ਫਾਰਮੂਲਾ ?

ਆਓ ਇਸਨੂੰ ਇੱਕ ਉਦਾਹਰਣ ਨਾਲ ਸਮਝੀਏ। ਮੰਨ ਲਓ ਕਿ ਰਾਸ਼ਟਰੀ ਰਾਜਮਾਰਗ ਦਾ ਇੱਕ ਹਿੱਸਾ 40 ਕਿਲੋਮੀਟਰ ਲੰਬਾ ਹੈ। ਅਤੇ ਇਸ ਪੂਰੇ ਹਿੱਸੇ ਵਿੱਚ ਫਲਾਈਓਵਰ, ਪੁਲ ਜਾਂ ਸੁਰੰਗਾਂ ਵਰਗੀਆਂ ਬਣਤਰਾਂ ਹਨ। ਅਜਿਹੀ ਸਥਿਤੀ ਵਿੱਚ, ਟੋਲ ਦੀ ਗਣਨਾ ਕਰਨ ਲਈ ਦੋ ਤਰੀਕੇ ਅਪਣਾਏ ਜਾਂਦੇ ਹਨ।

ਆਸਾਨ ਤਰੀਕੇ ਨਾਲ ਸਮਝੋ ਨਵੇਂ ਨਿਯਮ 

• ਪਹਿਲਾ ਤਰੀਕਾ- ਢਾਂਚੇ ਦੀ ਲੰਬਾਈ ਨੂੰ 10 ਗੁਣਾ ਨਾਲ ਗੁਣਾ ਕੀਤਾ ਜਾਂਦਾ ਹੈ। ਯਾਨੀ, 10x40=400 ਕਿਲੋਮੀਟਰ।
• ਦੂਜਾ ਤਰੀਕਾ- ਪੂਰੇ ਹਾਈਵੇਅ ਵਾਲੇ ਹਿੱਸੇ ਦੀ ਲੰਬਾਈ ਨੂੰ 5 ਗੁਣਾ ਨਾਲ ਗੁਣਾ ਕੀਤਾ ਜਾਂਦਾ ਹੈ। ਯਾਨੀ, 5x40=200 ਕਿਲੋਮੀਟਰ।

ਹੁਣ ਇਨ੍ਹਾਂ ’ਚ ਜੋ ਵੀ ਘੱਟ ਹੋਵੇਗਾ, ਉਸੀ ਦੇ ਆਦਾਰ ’ਤੇ ਟੋਲ ਟੈਕਸ ਵਸੂਲਿਆ ਜਾਵੇਗਾ। ਯਾਨੀ ਕਿ ਇਹ ਸਾਫ ਹੈ ਕਿ ਟੋਲ ਟੈਕਸ ਹਾਈਵੇ ਦੀ ਅੱਧੀ ਲੰਬਾਈ ’ਤੇ ਹੀ ਲੱਗੇਗਾ, ਜਿਸ ਨਾਲ ਟੋਲ ਟੈਕਸ ’ਚ 50 ਫੀਸਦ ਕਮੀ ਆਵੇਗੀ। 

ਇਹ ਵੀ ਪੜ੍ਹੋ : Amritsar News : ਗੁਰੂ ਘਰ ਬਾਹਰ ਬਦਮਾਸ਼ਾਂ ਨੇ ਨੌਜਵਾਨ ਨੂੰ ਗੋਲੀਆਂ ਨਾਲ ਭੂੰਨਿਆ, ਸਿੱਧੂ ਮੂਸੇਵਾਲਾ ਕਤਲਕਾਂਡ ਨਾਲ ਜੁੜੇ ਤਾਰ

- PTC NEWS